భారత్​ చేరుకున్న రఫేల్​ విమానాలు

ఆగకుండా దాదాపు 7 వేల కిలోమీటర్లు ప్రయాణం

By udayam on January 28th / 10:45 am IST

ఫ్రాన్స్​ ప్రభుత్వంతో కుదుర్చుకున్న ఒప్పందంలో భాగంగా మరో 3 రఫేల్​ యుద్ధ విమానాలు భారత్​కు చేరుకున్నాయి.

నిన్న సాయంత్రం భారత కాలమానం ప్రకారం 5.30 గంటలకు ఫ్రాన్స్​ నుంచి బయల్దేరిన ఈ భారీ యుద్ధ విమానం దారిలో ఎక్కడా ఆగకుండా దాదాపు 7 వేల కిలోమీటర్లు ప్రయాణించి నేరుగా భారత్​కు చేరుకుంది.

యునైటెడ్​ అరబ్​ ఎమిరేట్స్​ ఎయిర్​ఫోర్స్​ సహకారంతో మార్గమధ్యంలోనే ఇంధనాన్ని నింపుకుంది. వీటి రాకతో భారత్​ వద్ద ఉన్న మొత్తం రఫేల్​ యుద్ధ విమానాల సంఖ్య 11కు చేరుకుంది.

ఇప్పటికే గత ఏడాది జులై 29న మొదటి విడత రఫేళ్ళు భారత్​కు చేరుకోగా సెకండ్​ బ్యాచ్​లో మరికొన్ని గత ఏడాది నవంబర్​ 3న ఇక్కడకు చేరుకున్న విషయం తెలిసిందే.