ఏలియెన్స్​ని వాళ్ళ టెక్నాలజీనే అంతం చేసుండొచ్చు

శాస్త్రవేత్తల అంచనా

By udayam on December 26th / 8:43 am IST

మన పాలపుంతలోనే ఉన్న 30 కోట్ల ఆవాస యోగ్య గ్రహాల్లోనే ఎక్కడో ఓ చోట ఏలియెన్స్​ ఇదివరకు ఉండేవని తాజాగా శాస్త్రవేత్తలు అంచనా వేస్తున్నారు.

అయితే వారు మన కంటే అడ్వాన్స్​డ్ టెక్నాలజీని ఉపయోగించే కాలంలో వారి సొంత టెక్నాలజీనే వారిని అంతం చేసి ఉండొచ్చని సైతం తాజాగా ఓ నివేదికలో పేర్కొన్నారు.

ఈ కారణం చేతనే మనం ఎంత ప్రయత్నించినా వారి జాడ కనిపెట్టలేకపోతున్నామని ఈ నివేదికలో వెల్లడించారు.

‘‘మన గేలాక్సీలోని ఏదో ఓ గ్రహం ఉపరితలంపై ఏలియెన్స్​ కళేబరాలు మనకు కనిపించొచ్చు. వారి సొంత టెక్నాలజీనే వారిని అంతం చేసి ఉండొచ్చు” అని ఈ నివేదిక వెల్లడిస్తోంది.

1961 డ్రేక్​ ఈక్వేషన్​ ను మరింత అభివృద్ధి చేసే పనిలో భాగంగా పరిశోధనలు చేసిన నాసాకు చెందిన జెట్​ ప్రొపల్షన్​ లాబొరేటరీ, కాలిఫోర్నియా ఇన్​స్టిట్యూట్​ ఆఫ్​ టెక్నాలజీ, శాంటిగో హై స్కూల్​ శాస్త్రవేత్తలు ఈ తాజా నివేదికను తయారు చేశారు.

ఈ డ్రేక్​ ఈక్వేషన్​ ఆధారంగానే మన పాలపుంతలో ఉండే ఆవాస యోగ్య గ్రహాలు, వాటి నక్షత్రాలను శాస్త్రవేత్తలు అంచనా వేస్తున్న విషయం తెలిసిందే.