అమెరికా : మంచుతుపాను దాడిలో 60 మంది మృతి
By udayam on December 27th / 9:28 am IST
హిమతుపాను ధాటికి దారుణ పరిస్థితుల్ని ఎదుర్కొంటున్న అమెరికాలో పరిస్థితులు ఇంకా చక్కబడలేదు. ఇప్పటి వరకూ మంచు తుపాను ధాటికి ఆ దేశ వ్యాప్తంగా 60 మంది మృతి చెందారు. మంచులో చిక్కుకుపోయిన కార్లలో పలు మృతదేహాలు బయటపడడం కలవరం రేపుతోంది. ఒక్క న్యూయార్క్ మహానగరంలోనే మంచు తుపాను ధాటికి 27 మంది కన్నుమూశారని అధికారులు వెల్లడించారు. రోడ్లన్నీ కార్లు, బస్సులు, అంబులెన్సులు, ట్రక్కులతో నిండిపోయాయి. వీధులన్నీ మంచులతో నిండిపోవడంతో జనం ఇళ్ల నుంచి బయటకు వచ్చేందుకు, వెళ్లేందుకు నానా అవస్థలు పడుతున్నారు. డిసెంబర్ 31 వరకూ పరిస్థితులు ఇలానే ఉండనున్నాయి.
