బ్రిటన్ తొలి అంతరిక్ష ప్రయోగం ఫెయిల్
By udayam on January 11th / 7:09 am IST
బ్రిటన్ సొంత గడ్డపై నుంచి సోమవారం అర్ధరాత్రి చేపట్టిన తొలి అంతరిక్ష ప్రయోగం విఫలమైంది. షెడ్యూలు ప్రకారం..న్యూక్వే విమానశ్రయంలోని కార్న్‌వాల్‌ స్పేస్‌పోర్టు నుంచి 70 అడుగులు (21 మీ) పొడవున్న ఈ వ్యోమనౌకను ప్రత్యేకమైన వర్జిన్‌ ఆర్బిట్‌ అట్లాంటిక్‌ బోయింగ్‌ 747 విమానం సాయంతో 10,000 మీటర్ల ఎత్తుకు తీసుకెళ్లి అక్కడి నుంచి దాని ఇంజిన్లను మండించి అంతరిక్షంలోకి పంపాలని నిర్ణయించారు. అయితే రాకెట్ 10 వేల మీటర్లకు చేరిన తర్వత సాంకేతిక సమస్యలు ఎదురవ్వడంతో భూ కక్ష్యలోకి చేరుకోవడం విఫలమైంది. ఈ రాకెట్‌లో తొమ్మిది ఉపగ్రహాలు ఉన్నట్లు ది గార్డియన్‌ పత్రిక పేర్కొంది.
