జూన్ 23న ఆత్మకూరు ఉప ఎన్నిక
By udayam on May 26th / 3:54 am IST
ఆంధ్రప్రదేశ్లోని నెల్లూరు జిల్లా ఆత్మకూరు అసెంబ్లీ స్థానానికి ఉప ఎన్నిక నిర్వహించడానికి ఎన్నికల సంఘం షెడ్యూల్ విడుదల చేసింది. మంత్రి మేకపాటి గౌతమ్ రెడ్డి ఆకస్మిక మరణంతో ఖాళీ అయిన ఈ స్థానానికి మే 30న గెజిట్ విడుదల కానుండగా నామినేషన్లకు తుది గడువుగా జూన్ 6, పరిశీలనకు జూన్ 7, ఉపసంహరణకు జూన్ 9 తుది తేదీలుగా ప్రకటించింది. జూన్ 23న పోలింగ్, 26న ఓట్ల లెక్కింపు జరపనున్నట్లు పేర్కొంది.
