చైనాలో కరోనా సునామీ.. రోజుకు 3.7 కోట్ల కేసులు!
By udayam on December 24th / 5:41 am IST
కరోనా పుట్టినిల్లు చైనాలో రోజుకు 3.7 కోట్ల కొవిడ్ కేసులు నమోదవ్వనున్నట్లు ఆ దేశ జాతీయ ఆరోగ్య కమిషన్ అంచనా వేసింది. డిసెంబర్ నెల తొలి 20 రోజుల్లో దేశవ్యాప్తంగా 24.8 కోట్ల మంది జనాభాకు కొవిడ్ సోకినట్లు తెలిపింది. అంటే మొత్తం చైనా జనాభాలో 18 శాతం మందికి కొవిడ్ ఉన్నట్లే! త్వరలోనే ఈ సంఖ్య రోజుకు 3.7 కోట్ల స్థాయికి చేరుకుంటుందని పేర్కొంది. ఈ మేరకు ఆ దేశ ఆరోగ్య శాఖ అంతర్గత సమావేశంలో తీసుకోవాల్సిన జాగ్రత్తల గురించి చర్చించారు. 2023 జనవరిలో రోజుకు 4 కోట్ల మందికి కొవిడ్ సోకుతుందని చైనా భావిస్తోంది.
