భూటాన్​కు ఉచితంగా కొవిషీల్డ్​

భారత్​ తన పొరుగు మిత్రదేశాలైన భూటాన్​, బంగ్లాదేశ్​లకు ఇక్కడ తయారవుతున్న కొవిషీల్డ్ వ్యాక్సిన్​ను ఉచితంగా పంపిణీ చేయాలని నిర్ణయించి తన ఔదార్యాన్ని మరోసారి ప్రదర్శించింది.

ఈ విషయాన్ని మన దేశంలో పర్యటిస్తున్న భూటాన్​ ప్రధాని లోతే షెరింగ్​ వెల్లడించారు. ఆక్స్​ఫర్డ్​ – ఆస్ట్రాజెనెకా సంస్థలు ఇక్కడి సీరమ్​ ఇన్​స్టిట్యూట్​ లో ఉత్పత్తి చేస్తున్న కొవిషీల్డ్​ భూటాన్​ దేశ ప్రజలందరికీ ఉచితంగా అందించడానికి భారత ప్రభుత్వం నిర్ణయించినట్లు ఆయన వెల్లడించారు.

దాంతో పాటు మరో పొరుగుదేశమైన బంగ్లాదేశ్​కు సైతం ఈ వ్యాక్సిన్​ను దాదాపు 2 మిలియన్​ డోసులు అంటే 20 లక్షల టీకాలు ఉచితంగా అందించడానికి ముందుకు వచ్చినట్లు ప్రధాని లోతే షెరింగ్​ పేర్కొన్నారు.

ఒకవేళ మేం గనుక ఈ వ్యాక్సిన్​ను కొనుగోలు చేయాలనుకుంటే భారత్​ కు 6 మిలియన్​ డాలర్లు చెల్లించాల్సి వచ్చేంది. మేం మా దేశ ప్రజలలో అవసరమైన వారికి కరోనా వ్యాక్సిన్​ ఇవ్వాలని భావిస్తున్నాం అని భారత ప్రభుత్వానికి విజ్ఞప్తి చేశాం. వారు మా పరిస్థితిని అర్ధం చేసుకున్నారు. అందుకే ఉచితంగా పంపిణీ చేయడానికి ముందుకొచ్చారు లోతే షెరింగ్​ వెల్లడించారు.