ట్విట్టర్లో బ్లూ టిక్ కోసం సబ్ స్క్రిప్షన్ పొందే అవకాశం ఇప్పట్లో వచ్చే అవకాశం కనిపించడం లేదు. ఈ విషయాన్ని ఆ సంస్థ కొత్త బాస్ ఎలన్ మస్క్ వెల్లడించాడు. నకిలీ ఖాతాల్ని అరికట్టడంపై పూర్తి విశ్వాసం ఏర్పడిన తర్వాతే ఈ సేవల్ని తిరిగి అందుబాటులోకి తీసుకొస్తామని స్పష్టం చేశారు.అలాగే సంస్థలకు ఇచ్చే వెరిఫికేషన్ బ్యాడ్జ్ రంగును సైతం మార్చే అవకాశం ఉందని వెల్లడించారు. వ్యక్తిగత ఖాతాదారులకు, సంస్థల ఖాతాలకు తేడా ఉండేలా చూస్తామన్నారు.