చైనా బంగారు గనుల్లో పేలుళ్ళు

చిక్కుకుపోయిన 22 మంది కూలీలు

By udayam on January 12th / 9:14 am IST

చైనాలోని తూర్పు షాండాంగ్​ ప్రావిన్స్​లో ఉన్న బంగారు గనుల్లో భారీ పేలుళ్ళు సంభవించాయి. ఈ ప్రమాదంలో 22 మంది కూలీలు గనుల్లో చిక్కుకుపోయినట్లు తెలుస్తోంది.

వారిని రక్షించడానికి రక్షణ బృందాలు హుటాహుటిన అక్కడకు చేరుకున్నాయి. కార్మికుల వద్ద ఉన్న సిగ్నల్​ పాయింట్​ సైతం బ్రేక్​ కావడంతో వారి జాడ కనిపెట్టడం కష్టంగా ఉందని అక్కడి అధికారులు తెలిపారు.

చైనాలోని నాలుగో అతిపెత్త బంగారు గని అయిన ఝావోజిన్​ మైనింగ్​లో జరిగిన ఈ ప్రమాదం అక్కడి మైనింగ్​లు ఎంతటి ప్రమాదకరమైనవో ప్రపంచానికి మరోసారి చాటిచెప్పాయి.

గత ఏడాది డిసెంబర్లో దాదాపు 18 మంది మంది కూలీలు అక్కడి ఓ గనిలో జరిగిన ప్రమాదంలో ప్రాణాలు కోల్పోయిన విషయం తెలిసిందే. అది జరిగి నెల రోజులు తిరగక ముందే మరో ప్రమాదం జరిగింది.