ఫిబ్రవరి 18న ఐపిఎల్​ మినీ వేలం

By udayam on January 27th / 11:39 am IST

ఐపిఎల్​ 14వ సీజన్​ కోసం వచ్చే నెల 18న మినీ వేలం నిర్వహించాలని బిసిసిఐ నిర్ణయించింది.

ఇప్పటికే అన్ని జట్లు తాము వదిలేసిన ప్లేయర్ల జాబితాను ఐపిఎల్​ ఆక్షన్​ కమిటీకి అందించగా.. వీరితో పాటు మరికొత మంది దేశ, విదేశీ ప్లేయర్ల పేర్లు ఈ వేలంలో ఉండనున్నాయి.

అయితే ఈ వేలంలో ఒక్కో జట్టు రూ.53.20 కోట్ల ను ఖర్చు చేయాల్సి ఉంటుందని బిసిసిఐ తెలిపింది. కేవలం 14 మంది ప్లేయర్లను మాత్రమే ఉంచుకున్న బెంగళూరు వద్ద అత్యధికంగా 35.90 కోట్లు ఉండగా, కోల్​కత్తా, హైదరాబాద్​ జట్ల వద్ద అత్యల్పంగా 10.75 కోట్లు మాత్రమే ఉన్నాయి.

రాజస్థాన్​ వద్ద 34.85 కోట్లు ఉండడంతో ఈసారి బెంగళూరు, రాజస్థాన్​లు ఎక్కువ మంది ప్లేయర్లను తీసుకునే అవకాశాలు కనిపిస్తున్నాయి.

మ్యాక్స్​వెల్​, స్టీవ్​ స్మిత్​, ఆరోన్​ ఫించ్​లతో పాటు పలువురు అంతర్జాతీయ క్రికెటర్లు ఈసారి వేలానికి రానున్నారు.

ట్యాగ్స్​
Source: cricbuzz