పండుగ సీజన్ సమీపిస్తుండడంతో టాలీవుడ్ కు సినీ కళ సంతరించింది. తాజాగా నటసింహం బాలకృష్ణ లేటెస్ట్ మూవీ ‘వీర సింహారెడ్డి’ మూవీ నుంచి ‘జై బాలయ్య’ అంటూ సాగే పవర్ ఫుల్ సాంగ్ ను మేకర్స్ లాంచ్ చేశారు. లిరికల్ గా సాగిన ఈ వీడియో సాంగ్ కు రామజోగయ్య శాస్త్రి లిరిక్స్ రాస్తే.. తమన్ సంగీతం అందించాడు. కరీముల్లా ఆలపించిన ఈ పాట ఆద్యంతం ఆకట్టుకుంటోంది. శృతి హాసన్ హీరోయిన్ గా నటిస్తున్న ఈ మూవీ సంక్రాంతి సందర్భంగా విడుదల కానుంది.