బిజెపి–టిడిపి పొత్తుకు పవన్ ప్రయత్నాలు!
By udayam on May 23rd / 5:42 am IST
ఆంధ్రప్రదేశ్లో 2024లో వచ్చే సార్వత్రిక ఎన్నికల కోసం బిజెపి–టిడిపిలను పొత్తుకు ఒప్పించడానికి జనసేన అధినేత పవన్ కళ్యాణ్ నడుం కట్టారు. అధికార పార్టీపై ఉన్న వ్యతిరేక ఓటును చీల్చమని పదే పదే చెబుతున్న ఆయన బిజెపి–జనసేన–టిడిపి పొత్తు బాధ్యతలను భుజాన వేసుకున్నారు. ఈ విషయమై బిజెపి అధినాయకత్వంతోనూ చర్చలకు సిద్ధమవుతున్నారు. ఇప్పటికే జనసేన బిజెపితో పొత్తులో ఉన్న విషయం తెలిసిందే. ఇదే పార్టీ టిడిపితో 2014లోనూ పొత్తు పెట్టుకుని ఆపై బయటకొచ్చేసింది.
