ప్రాక్టీస్ లో గాయపడ్డ రాహుల్.. రెండో టెస్ట్ కు దూరం!
By udayam on December 21st / 10:35 am IST
బంగ్లా పర్యటనలో ఉన్న భారత జట్టుకు గాయాల బెడద ఎక్కువవుతోంది. తాజాగా తాత్కాలిక కెప్టెన్ కెఎల్ రాహుల్ నెట్ ప్రాక్టీస్ సెషన్లో గాయపడ్డాడు. దీంతో అతడు రెండో టెస్ట్ కు అందుబాటులో ఉండే అవకాశాలు తగ్గాయి. రాహుల్ ఎడమ బొటన వేలికి గాయం అయినట్లు బ్యాటింగ్ కోచ్ విక్రమ్ రాథోర్ వెల్లడించాడు. అయితే గాయం అంత తీవ్రంగా లేదని కూడా ఆయన పేర్కొన్నాడు. ఒకవేళ రాహుల్ ఈ మ్యాచ్ కు దూరమైతే వైస్ కెప్టెన్ పుజారా.. రేపటి నుంచి ప్రారంభమయ్యే టెస్ట్ కు కెప్టెన్ గా ఉండనున్నాడు.
