మెస్సీకి గాయం.. ఫైనల్ కు ఉంటాడా?
By udayam on December 16th / 7:45 am IST
ఫిఫా ప్రపంచ కప్ నెగ్గి తన కెరీర్ కు ఘనమైన వీడ్కోలు పలకాలని ఆశిస్తున్న అర్జెంటీనా దిగ్గజం లియోనల్ మెస్సీ వల్ల, ఆ దేశానికి షాక్ తగిలేలా ఉంది. ఈ ఆదివారం ఫ్రాన్స్ తో జరిగే ఫైనల్ కు మెస్సీ దూరమయ్యే అవకాశం కనిపిస్తోంది. తుది పోరకు ముందు మెస్సీకి గాయం అయినట్లు తెలుస్తోంది. సెమీ ఫైనల్ మ్యాచ్ లోనూ తొడ కండరాలు పట్టేయడంతో అతడు కాస్త నెమ్మదిగా పరిగెత్తిన వీడియోలు బయటకు వచ్చాయి. దీంతో అతడి ఫిట్ నెస్ పై అనుమానాలు మొదలయ్యాయి. ఏమైనప్పటికీ మెస్సీ ఫైనల్లో ఆడాల్సిందేనని అర్జెంటీనా అభిమానులు డిమాండ్ చేస్తున్నారు.
