సీట్ బెల్ట్ లోపాలను సరిచేసేందుకు దేశవ్యాప్తంగా 9,125 కార్లను మారుతి–సుజుకి సంస్థ రీకాల్ చేస్తోంది. ఫ్రంట్ సీట్లలోని సీట్ బెల్టుల్లో షోల్డర్ హైట్ అడ్జస్టర్ వద్ద లోపాలు ఉన్నట్లు గుర్తించింది. దీంతో సీటు బెల్టు పెట్టుకున్నప్పటికీ విడిపోతోంది. దాంతో, ఆ లోపాన్ని సవరించేందుకు కార్ల రీకాల్ ప్రకటించారు. 2022 నవంబరు 2వ తేదీ నుంచి నవంబరు 28వ తేదీ మధ్య తయారైన గ్రాండ్ విటారా, బ్రెజా, సియాజ్, ఎక్స్ఎల్-6, ఎర్టిగా మోడళ్ల కార్లను వెనక్కి పిలుస్తోంది.