దేవిశ్రీకి మెగాస్టార్ స్పెషల్ గిఫ్ట్

By udayam on February 23rd / 9:12 am IST

మెగా మేనల్లుడు వైష్ణవ్ తేజ్ హీరోగా తొలి సినిమా ఉప్పెన తోనే బ్లాక్‌బస్టర్ కొట్టాడు. బుచ్చిబాబు సానా  దర్శకత్వంలో వచ్చిన `ఉప్పెన` చిత్రం ఇటీవల విడుదలై సంచలన విజయం సాధించింది.

వంద కోట్ల రూపాయల వసూళ్ల దిశగా దూసుకుపోతోంది. ఈ సినిమా విజయంలో సంగీత దర్శకుడు దేవిశ్రీప్రసాద్‌ కీలక పాత్ర వహించాడు.

పాటలు, నేపథ్యం సంగీతంతో `ఉప్పెన`ను దేవి మరో స్థాయికి తీసుకెళ్లాడని ప్రశంసిస్తూ దేవిశ్రీకి మెగాస్టార్ చిరంజీవి ఓ ప్రత్యేక బహుమతిఅందించారు.

దేవిని అభినందిస్తూ ఓ లేఖను కూడా పంపించారు. మెగా బహుమతిని, అభినందన లేఖను దేవి ట్విటర్ ద్వారా అభిమానులతో షేర్ చేసుకున్నాడు.

డియర్ డీఎస్పీ.. ఎగసిపడిన ఈ `ఉప్పెన` విజయానికి నీ సంగీతం ఆయువుపట్టు. స్టార్స్ చిత్రాలకు ఎంత ప్యాషన్‌తో సంగీతం ఇస్తావో.. కొత్త వారికి కూడా అంతే ఫ్యాషన్‌తో సంగీతాన్ని ఇస్తావు. నీలో ఉండే ఈ ఎనర్జీ, సినిమాలకు నీ మ్యూజిక్ ఇచ్చే ఎనర్జీ ఎప్పటికి ఇలాగే ఉండాలని కోరుకుంటూ.. నిన్ను మనస్ఫూర్తిగా అభినందిస్తున్నా. ప్రేమతో చిరంజీవి అంటూ చిరు ఆ లేఖలో పేర్కొన్నారు.

ట్యాగ్స్​