మస్క్ : పనిచేయండి లేదా ఉద్యోగం వదిలేయండి
By udayam on November 17th / 5:53 am IST
ట్విట్టర్ సిబ్బంది అత్యధిక తీవ్రతతో ఎక్కువ గంటల పాటు పనిచేయడానికి కట్టుబడి ఉండాలని లేనిపక్షంలో కంపెనీ నుంచి వెళ్లిపోవాలని ఎలాన్ మస్క్ వ్యాఖ్యానించాడు. కంపెనీని తన హస్తగతం చేసుకున్న రోజు నుంచీ ట్విట్టర్ ఉద్యోగులపై ఏదో పాత కక్షలు ఉన్నట్లు వ్యవహరిస్తున్న ఆయన తీరు ప్రతీరోజూ వివాదాస్పదమవుతోంది. ట్విట్టర్‌లో ఉండాలనుకుంటే ఈ ప్రతిజ్ఞకు అంగీకరించాల్సిందే అని సిబ్బందికి రాసిన ఈమెయిల్‌లో ఎలాన్ మస్క్ పేర్కొన్నట్లు వాషింగ్టన్ పోస్ట్ బయటపెట్టింది.వారానికి కనీసం 40 గంటలు సిబ్బంది కార్యాలయంలోనే ఉండాలని ఈమెయిల్‌లో రాసినట్లు బ్లూమ్‌బర్గ్ నివేదించింది.
