వాహణాల రిజిస్ట్రేషన్ కోసం ఆర్టీఓ కార్యాలయానికి పవన్
By udayam on December 23rd / 12:49 pm IST
జనసేన అధినేత పవన్ కళ్యాణ్ అంతర్జాతీయ డ్రైవింగ్ లైసెన్స్ కోసం స్వయంగా దరఖాస్తు చేసుకున్నారు. ఇందుకోసం గురువారం హైదరాబాద్ లోని రాష్ట్ర రవాణా శాఖ కార్యాలయానికి వచ్చిన ఆయన మధ్యాహ్నం 3 గంటల ప్రాంతంలో తన దరఖాస్తును అధికారులకు సమర్పించారు. దీంతో పాటు తన వాహనాల రిజిస్ట్రేషన్ల పనులనూ ఆయన పూర్తి చేశారు. అరగంటలోనే ఆయన వాహనాల రిజిస్ట్రేషన్ ప్రక్రియను అధికారులు పూర్తి చేశారు. శాశ్వత నెంబర్లు కేటాయించిన వాటిలో ఆయన పర్సనల్ వాహనం మెర్సిడస్ బెంజ్, రెండు మహీంద్ర స్కార్పియోలు, ఒక జీపు, ఒక టయోటా వెల్ ఫేర్ కారుతో పాటు సరకు రవాణా వాహనం కూడా ఉంది. అయితే ఇందులో ఎన్నికల ప్రచార రథం ‘వారాహి’ ఉందా? లేదా? అన్నది తేలలేదు.
