5:22 pm
Tuesday, October 20, 2020

28°C
Vishakhapatnam, India

మార్స్​ చంద్రుడిని బంధించిన మంగళయాన్ 4 months ago

ఇస్రో: భారత అంతరిక్ష పరిశోధన సంస్థ (ఇస్రో) 2014లో ప్రయోగించిన మార్స్​ ఆర్బిటర్​ మిషన్​ (మామ్​) అంగారకుడి చంద్రుడ్ని తన కెమెరాలో బంధించింది. మార్స్ మిషన్‌ను భారత్ 5 నవంబరు 2013న లాంచ్ చేసింది. పీఎస్ఎల్‌వీ-సీ25 రాకెట్ ద్వారా దీనిని ప్రయోగించారు. 24 సెప్టెంబరు 2014న తొలి ప్రయత్నంలో మంగళయాన్ మార్స్ కక్ష్యలోకి ప్రవేశించింది.

జులై  1న మార్స్ కలర్ కెమెరా అంగారకుడి రహస్య చంద్రుడు ఫోబోస్‌ చిత్రాన్ని మంగళయాన్  బంధించింది. తాజాగా ఈ ఫొటోలను ట్వీట్ చేసిన ఇస్రో.. ‘‘భారతదేశ మార్స్ ఆర్బిటర్ మిషన్ బంధించిన మార్స్ రహస్య చంద్రుడు ఫోబోస్ ఫొటోలు’’ అని పేర్కొంది.

‘‘మార్స్ కలర్ కెమెరా (ఎంసీసీ) ఆన్‌బోర్డ్ మార్స్ ఆర్బిటర్ మిషన్ జూలై 1న అంగారక గ్రహం నుంచి 7,200 కిలోమీటర్లు, ఫోబోస్ నుంచి 4,200 కిలోమీటర్ల దూరంలో ఉన్నప్పుడు మార్స్ అత్యంత సమీప, అతిపెద్ద చంద్రుడైన ఫోబోస్‌ను ఫొటోలు తీసింది’’ అని ఇస్రో ప్రకటించింది.