న్యూస్
నా జీవితంలో అద్భుతక్షణాలు ఇవి
సిరీస్ విజయంపై స్పందించిన రిషబ్ పంత్
కీలక సమయాల్లో చేజార్చుకున్నామన్న టిమ్ పైన్
1988 తర్వాత గబ్బా వేదికగా జరిగిన ఓ టెస్ట్ మ్యాచ్లో తొలిసారిగా ఆస్ట్రేలియా ఓడిపోవడం, ఆ విజయంలో తానూ కీలక ఇన్నింగ్స్ ఆడడం నా జీవితంలో అద్భుతమైన క్షణాలని రిషబ్ పంత్ అన్నాడు.
ఇక్కడ నా జీవితంలో అద్భుతమైన విషయాలు జరిగాయి. ముందు టెస్టుల్లో నేను సరిగ్గా ఆడకపోయినా నా వెంటే ఉన్న నా తోటి టీమ్ సభ్యులకు కృతజ్ఞతలు చెబుతున్నా. 5వ రోజు ఆటలో బాల్ బాగా స్పిన్ అవుతోంది. నేను జాగ్రత్తగా ఆడాలని ముందుగానే అనుకున్నా. ప్రణాళికలు ఫలించాయి అని పేర్కొన్నాడు.
Rishabh Pant ❤️https://t.co/xyIQPXHKxY #AUSvIND pic.twitter.com/Suvw0qmtyq
— ESPNcricinfo (@ESPNcricinfo) January 19, 2021
కీలక సమయాల్లో మ్యాచ్లు వదిలేశాం
మ్యాచ్ ఓటమి అనంతరం స్పందించిన ఆస్ట్రేలియా కెప్టెన్ టిమ్ పైన్.. సిరీస్ మొత్తంలోనూ మేం వరుస తప్పిదాలు చేస్తూనే వచ్చామని చెప్పాడు.
కీలక సమయాల్లో మ్యాచ్లు మా చేజారిపోయేలా మైదానంలో మా ప్రవర్తన ఉందని నిరాశ వ్యక్తం చేశాడు. ‘‘బౌలింగ్లోనూ, బ్యాటింగ్లోనూ మేం చాలా సార్లు సిరీస్ మొత్తంలో విఫలమవుతూనే వచ్చాం. మాకు ఈ సిరీస్లో ఇది ఓ అలవాటుగా మారిపోయింది’’ అని అభిప్రాయపడ్డాడు.
