ఐఎండీ : హైదరాబాద్లో రేపూ భారీ వర్షాలు
By udayam on May 4th / 7:13 am IST
బుధవారం తెల్లవారుఝాము నుంచి హైదరాబాద్లో కురుస్తున్న భారీ వర్షాలు గురువారం నాడూ కురిసే అవకాశాలు ఉన్నాయని వాతావరణ శాఖ హెచ్చరించింది. ఈదురుగాలులు, ఉరుములతో భారీ నుంచి అతి భారీ వర్షాలు కురుస్తాయని పేర్కొంది. ఈరోజు అత్యధికంగా సిద్దిపేట జిల్లాలోని హబ్సీపూర్లో 108 మి.మీ.ల వర్షపాతం నమోదైంది. సిద్దిపేటతో పాటు జగిత్యాల, మంచిర్యాల, యాదాద్రి జిల్లాల్లోనూ భారీగా వర్షం కురిసింది. మే 5న ఎపిలోనూ అక్కడక్కడ వర్షాలు కురిసే అవకాశాలు ఉన్నాయని తెలిపింది.
