కోహ్లీ.. కెప్టెన్​ పదవి నుంచి దిగిపో

అప్పుడే బ్యాటింగ్​లో ఎక్కువ కాలం రాణించగలవు

బిషన్​ సింగ్​ బేడీ సలహా

By udayam on January 22nd / 1:59 pm IST

టెస్టులకు కెప్టెన్సీ పదవి నుంచి విరాట్​ కోహ్లీ దిగిపోతేనే అది అతడి బ్యాటింగ్​ కెరీర్​కు దోహదపడగలదని భారత స్పిన్​ లెజెండ్​ బిషన్​ సింగ్​ బేడీ వ్యాఖ్యానించారు.

కెప్టెన్సీ బాధ్యతలను అజింక్యా రహానేకు అప్పగించి అతడు పూర్తిగా బ్యాటింగ్​ పైనే దృష్టి పెడితే మంచిదని బేడీ సలహా ఇచ్చాడు.

బోర్డర్​ – గవాస్కర్​ ట్రోఫీలో కోహ్లీ కెప్టెన్సీలో వెనుకబడ్డ టీం ఇండియాను రహానే 2–1తో గెలుచుకు వచ్చాడని దీన్ని బట్టి అతడి సామర్థ్యం ఏంటో అర్ధమవుతోందని పేర్కొన్నాడు.

‘‘భారత్​కు విరాట్​ మరింత కాలం సేవలందించాలంటే అతడు బ్యాటింగ్​పైనే దృష్టిపెట్టాలి. కెప్టెన్సీపై కాదు. అది అజింక్యా చక్కగా నిర్వహించగలడు” అని ఇండియన్​ ఎక్స్​ప్రెస్​కు రాసిన కాలమ్​లో బేడీ అభిప్రాయపడ్డాడు.