అనంతబాబును సస్పెండ్ చేసిన వైకాపా
By udayam on May 26th / 3:38 am IST
ఆంధ్రప్రదేశ్ అధికార పార్టీ వైకాపా.. తన డ్రైవర్ను హత్య చేసిన కేసులో నిందితుడుగా ఉన్న సొంత ఎమ్మెల్సీ అనంత బాబును పార్టీ నుంచి సస్పెండ్ చేసింది. డ్రైవర్ను తానే చంపినట్లు ఎమ్మెల్సీ ఒప్పుకోవడంతో పార్టీ అతడిని సస్పెండ్ చేస్తూ నిర్ణయం తీసుకుంది. ఈ హత్య కేసు కాకినాడలో తీవ్ర కలకలం రేపిన సంగతి తెలిసిందే. దీనిపై ప్రతిపక్షాలు, ప్రజలు సైతం అనంతబాబును అరెస్ట్ చేయాలంటూ ఉద్యమించారు. దీంతో ఎమ్మెల్సీ సోమవారం ఉదయం పోలీసుల ఎదుట లొంగిపోయారు.
